Binuksan ng CEO SUITE ang Una Nitong Lokasyon sa Biyetnam, Nag-aalok ng Premium na Serviced Office sa Hanoi Lotte Center

Ipinagdiriwang ng CEO SUITE, ang pinakamahusay na provider ng lugar-trabaho sa Asya, ang isa na namang mahalagang yugto sa 19 na taon nitong kasaysayan sa engrandeng pagbubukas ng una nitong business center sa Biyetnam sa sentro ng lungsod nito, ang Hanoi, noong Hunyo 1, 2016. Ang CEO SUITE Lotte Center Hanoi ang ika-18 lokasyon ng CEO SUITE sa kabuuang network nito ng siyam na lungsod sa walong bansa sa Asya.

Ang Hanoi ang kabisera ng Biyetnam, na kilala sa daan-daang taong gulang nitong arkitektura at mayamang kultura na may impluwensiyang Timog-Silangang Asyano, Tsino at Pranses. Nasa puso nito ang magulong Old Quarter, kung saan ang makikitid na kalye ay halos nakaayos ayon sa uri ng kalakalan.

Ang Lotte Center ay isang prestihiyosong palatandaan sa Hanoi bilang ikalawang pinakamataas na skyscraper sa Biyetnam at tahanan ng internasyonal at 5-star na Lotte Hotel. Ang kilalang istrukturang ito ay dinisenyo ng dalawang award-winning na kumpanya: ang Callison Architecture na nakabase sa Seattle at ang Benoy Architects na nakabase sa London.

Pagdating sa accessibility, estratehikong nakapuwesto ang Lotte Center sa gitna ng abalang lungsod ng Hanoi kung saan nagtatagpo ang lumang lungsod at ang bago, kaya ito ay isang mainam na one-stop na lokasyon para sa negosyo o paglilibang.

Matatagpuan ang CEO SUITE sa ika-29 na palapag ng East Wing ng Lotte Tower, at nag-aalok ito ng mga world-class at eleganteng dinisenyong executive office suite para sa panandalian o pangmatagalang upa, kumpletong kagamitang meeting room na may kamangha-manghang tanawin ng lungsod, reception area na may pamantayang ‘five-star hotel’, VIP business lounge, lugar ng serbisyo para sa pag-print, pag-scan at pag-photocopy ng dokumento; business café na may pasilidad ng pantry; at high-bandwidth na Internet WIFI access at modernong sistema ng telepono.

Bilang isang one-stop na provider ng solusyon sa opisina, nag-aalok ang CEO SUITE ng mga iniangkop na serbisyo para sa mga negosyo ng anumang laki – kabilang dito ang mga pangangailangan sa pagtatayo ng negosyo, virtual office (paggamit ng propesyonal na business address para sa pagpaparehistro ng kumpanya at branding); serbisyo ng receptionist at sekretarya; serbisyo sa accounting at pananalapi; serbisyo sa HR at recruitment; at serbisyong suporta sa I.T. Flexible din ang mga tuntunin sa pag-upa ng executive office suite, sa laki man, tagal ng upa o presyo.

Upang malaman ang higit pa tungkol sa CEO SUITE Hanoi Lotte Center, bisitahin ang: www.ceosuite.com.