Ang pagtatrabaho mula sa bahay (o habang naglalakbay) ay nangangailangan ng disiplina, dedikasyon, at kakayahang huwag pansinin ang mga abala—na siya ring kinakailangan sa pagtatrabaho sa isang tradisyonal na opisina, nagkataon lamang. Ngunit kung nagtatrabaho kayo mula sa isang home office, kadalasan ay walang taong nagbabantay sa inyo bawat minuto upang tiyaking natatapos ninyo ang mga gawain. Kailangan ninyong maging sarili ninyong micromanager at pilitin ang sarili na magtrabaho nang episyente at manatiling updated sa teknolohiya. Narito ang anim na kagamitang makapagpapataas ng inyong produktibidad habang lubha ring nakatutuwang gamitin.
Compact na Video Camcorder at Camera Extension
Ang pag-market sa inyong sarili o sa inyong kumpanya sa pamamagitan ng YouTube at iba pang social video network ay nagbibigay-daan sa inyo na maabot ang mas maraming tao upang i-market ang inyong mga produkto o serbisyo, magbigay ng payo kaugnay ng industriya, o patunayan kung gaano kayo kasaya at kamalikhain. May ilang kamangha-mangha at abot-kayang camcorder sa merkado na kasinlaki ng mga smartphone—ngunit may mas mahusay pang resolusyon at kapasidad sa imbakan—na perpekto para sa gawain. Kung wala kayong kasamang kukuha ng video, ang camera extension ay nangangahulugang maire-record ninyo ang inyong sarili habang gumagawa ng iba’t ibang gawain sa loob o labas habang palipat-lipat ng lugar.
Mobile Broadband Wireless Hotspot
Minsan, ang paglabas ng bahay lamang ang makapagliligtas sa inyong katinuan. Mabuti na lamang, madadala ninyo ang inyong opisina kapag may hotspot kayo na magpapanatiling konektado sa Internet ang maraming device saanman kayo magpunta. Sumulat ng isang panukala sa inyong bangkang pangisda o makipag-chat sa isang business partner mula sa isang parke nang walang napapalampas.
IdeaPaint™
Naranasan na ba ninyong naisin na gawing isang napakalaking white board ang lahat ng apat na dingding ng inyong opisina? Ngayon ay magagawa na ninyo! Ang IdeaPaint™ at iba pang katulad na uri ng whiteboard paint ay maaaring gawing agarang white board ang isang hubad na dingding, perpekto para sa mga tala sa pulong, mga ideya, at mga sesyon ng pagpaplano ng kalendaryo. Nag-aalok ang IdeaPaint™ ng kit na may kasamang primer at espesyal na white board paint na sasakop sa mahigit 50 square feet ng dingding, kaya maaari kayong sumulat ng mga listahan, gumuhit ng mga doodle, o bumuo ng mga kumplikadong pormula saanman walang bintana. Hindi sigurado kung mapipigilan ninyo ang inyong mga anak na lumapit sa inyong white board sa trabaho? Bigyan sila ng sarili nilang white board sa kanilang sariling silid at panatilihin silang abala nang ilang oras.
Backup Drive System
Sa isang punto, magka-crash ang inyong computer at manganganib kayong mawala ang lahat ng nakaimbak sa hard drive. Maaari itong maging sakuna maliban kung may backup drive kayo kung saan regular ninyong bina-back up ang inyong data. Bumili ng backup drive na itatago sa inyong bahay o mag-subscribe sa isa sa ilang online na serbisyo na nagba-back up ng inyong data sa Cloud. Kapag nangyari ang hindi maiiwasan, makahihinga na lamang kayo nang maluwag dahil sa inyong pagiging praktikal at pagiging handa.
Wireless Printer
Habang lalo itong nagiging abot-kaya, malamang ay mapapansin ninyong ang wireless printer ay agad na magiging isang device na hindi na ninyo kayang mawala. Mag-print nang direkta mula sa inyong mobile device, laptop, PC, o Mac nang hindi kinakailangang direktang ikonekta sa USB. Ang ilang mas mamahaling wireless printer ay nagpi-print nang may kulay at black and white, at nag-aalok din ng mga function sa pagkopya at pag-scan.
Mga Serviced o Virtual Office Space
Maaaring maging katuparan ng pangarap ang pagtatrabaho mula sa inyong tahanan, ngunit ang pakikipagpulong sa mga kliyente o kasosyo sa negosyo sa inyong home office ay maaaring maging bangungot. Mabuti na lamang, maaari pa rin kayong magpakita ng propesyonal na imahe nang hindi nag-aalalang gawing conference room ang inyong sala kapag umupa o nag-lease kayo ng serviced office sa Asya, sa Estados Unidos, sa Great Britain, o sa Europa. Ang mga serviced office ay kumpleto na sa kagamitan—kasama ang mga tauhan sa reception at serbisyo sa pagsagot ng tawag—pati na ang lahat ng teknolohiyang kailangan ninyo upang magsagawa ng pulong o kumperensiya sa negosyo sa isang prestihiyosong address. Pinahihintulutan naman kayo ng mga virtual office na gamitin ang parehong prestihiyosong address para sa inyong sulat pangnegosyo, kasama ang propesyonal na serbisyo sa pagsagot ng tawag. Dahil sa ganitong uri ng opisina, maaari kayong maglakbay sa buong mundo (o manatili man lamang sa inyong bayan) nang hindi kailanman napipilitang makipagnegosyo sa lounge ng hotel o sa maingay na restawran.
Nag-aalok ang CEO Suites ng magagandang serviced office sa buong Asya, na bawat isa ay may prestihiyosong address sa pinakasikat na mga distrito ng negosyo ng malalaking lungsod. Bisitahin ang aming Home pahina ngayon upang makahanap ng lokasyon at uri ng opisina na angkop sa pangangailangan ng inyong negosyo.
